36 Chapit 36 : LANSAN BLAN, FOUNEZ, LAKOU, LANMOU KI FIDEL
LANSAN BLAN.
Se yon gonm yo seche ki soti nan kèk pyebwa ki nan kategori plant yo rele Boswellia a. Lè yo boule l, li bay yon bon sant. Se te youn nan engredyan yo te itilize pou fè lansan sakre yo te konn itilize nan tabènak la ak nan tanp lan. Mete sou sa, yo te konn mete l ansanm ak ofrann manje angren yo e sou chak pil pen yo te konn ofri Bondye yo, ki te anndan Kote ki pi sen an. — Egzod 30:34-36; Levitik 2:1; 24:7; Matye 2:11
LANMOU KI FIDEL.
Pifò fwa, se mo ebre kesèd la yo tradui konsa, e se angajman, entegrite, fidelite ak gwo atachman ki fè yon moun montre lanmou sa a. Byen souvan, yo sèvi ak ekspresyon sa a pou pale de lanmou Bondye gen pou lèzòm, men, yo itilize l tou pou pale de lanmou moun gen pou moun. — Egzod 34:6; Rit 3:10.
LAKOU.
Lakou se espas ki te toutotou tabènak la, ki te gen yon kloti ki bare l e annapre se te youn nan lakou ki te toutotou bilding prensipal tanp lan ki te gen yon mi ki bare l. Lotèl pou ofri sakrifis y ap boule yo te nan lakou tabènak la e li te nan lakou ki pi anndan nan tanp lan. Anplis de sa, Bib la pale de lakou lè y ap pale de kay ak palè. — Egzod 8:13; 27:9; 1Wa 7:12; Este 4:11; Matye 26:3.
FOUNEZ.
Se yon fou yo te konn itilize pou yo fonn metal. Yo te konn itilize l tou pou kuit tout kalite bagay ki fèt ann ajil. Nan epòk yo pale de yo nan Bib la, yo te konn fè founèz yo ak brik oswa ak wòch. Yo rele founèz yo kuit tout kalite veso ann ajil yo ak founèz yo te fè lacho yo fou tou. Yo te met 3 Jen jan jwif ki te rezuze adore zidol nan yon founez dife. Men Bondye te pwoteje yo. — Danyel 3:17; Apokalips 9:2.
