5 Chapit 5 : PWOFESE NAN GRAN SEMINE POTOPRENS
APRE 4 LANE MWEN PASE NAN INSTITUT BIBLIK PONTIFICAK AK 7 MWA NAN INIVESITE EBRAYIK JERUZALEM MWEN GEN YON DIPLOM LISANS NAN SYANS BIBLIK. KONSA MWEN TE KAPAB AL ANSEYE LABIB NAN GRAN SEMINE POTOPRENS KI SE YON FAKILTE TEOLOJI AFILYE AK INIVESITE UBANYEN WOM. MWEN PRAL PASE ANVIWON 18 LANE KOM PWOFESE LABIB NAN GRAN SEMINE TUJO AK KAZO. LE M FEK RIVE MWEN TE TRE JEN. SE KONSA ETIDYAN KI PAT KONNEN M YO MANDE M SI SE NAN PREMYE ANE MWEN YE. MWEN TE FE YON BEL PWOVIZYON NAN ACHTE LIV AK PLIZYE MATERYEL DIDAKTIK POU ANSEYE PI BYEN GRAN SEMINE.
PAMI PWOFESE KI TE NAN MENM EPOK AVEK MWEN YO TE GEN PE FRITZ WOLFF, PE JEAN-CLAUDE LESPINASSE, PE AUGUSTIN ALMYR, PE YVON TRETEAULT, PE ANTOINE SABY, PE JACQUES PERCY, PE HAROLD DUROSIER KI TE KONDISIP MWEN NAN GRAN SEMINE EPI KI TE ALE ETIDYE WOM. TE GEN KOM PWOFESE TOUJOU PE ANDRE PIERRE, PE MOISE FRANCOIS, PE GRACIA BRENNEVILLE, PE GONTRAND DECOSTE, PE GUY BOURCICAULT, PE CASTEL GERMEIL, PE PIERRE ANDRE DUMAS, MGR LOUIS KEBREAU,PE CHANCY, PE BERNARD NEMORIN, PE YVON PIERRE, PE BERTRAND, PE SATURNE LAUNAY, PE CLARK DELACRUZ,PE GAETAN BOURCICAULT, PE ANDRE LEBARZIC, MGR FRANTZ COLIMON… KOM EKONOM NOU TE GEN FRE JEAN AK PE EGALITE (RIP). NAN PWOFESE SA YO GEN ANPIL KI TE ELEV MWEN GRAN SEMINE, KI TE AL ETIDYE WOM EPI KI VINI PWOFESE MENM JAN AK MWEN GRAN SEMINE.
MWEN GEN PLIZYE ELEV NAN GRAN SEMINE POTOPRENS KI VINI MONSEYE JODI A : KADINAL CHIBLY LANGLOIS, MGR MAX MESIDOR LEROY, MGR SATURNE LAUNAY, MGR GONTRAND DECOSTE, MGR JEAN DESINORD, MGR ERIC GLANDAS, MGR BARTHELUS, MGR SYLVAIN DUCANGE (RIP). GENYEN KI GEN TIT MONSEYE ONORIFIK KOU WE MGR MADELON EUSTACHE, MGR CHADIC, MGR PATRICK ARIS, MGR HERVE GRANJEAN,MGR GOUSSE OREMIL AK ANPIL LOT ANKO. PI FO PE KI RESPONSAB PAWAS DYASPORA OUBYEN AYITI TE ELEV MWEN TOU. KOU WE PE ADAIN DIEUSEUL, PE FRANKY,PE RONY, PE OSIAS, PE YVON PIERRE, PE FRANCOIS AUGUSTIN,PE LUC PHILOGENE, PE MIGUEL AUGUSTE, PE GUSTAVE MIRACLE, PE DIMITRI DEMESMIN, PE KIRE SENT ANN E SEN JOACHIM NAN QUEENS VILLAGE, PE CYPRIEN, PE VANDREDI, PE NESLY, PE KIRE SENT MAT LONG ISLAND, PE YVES GEFFRARD,PE MONFOTEN RESPONSAB KOMINOTE TAMPA… AN AYITI PE KI TE ELEV MWEN GRAN SEMINE POTOPRENS EPI KI GEN POS RESPONSABLITE : PE HANS, PE SALOMON, PE CHANCY, PE DESCA, PE FRANTZY PETIT-HOMME, PE FRANTZ PRICE, PE FRANCKY, PE ARNOUX CHERY (RIP), PE JEAN-JULIEN LADOUCEUR, PE JUNIOR, PE JOSEPH SIMOLY (RIP), PE FLEURISME (RIP), PE ARSENE JASMIN, PE LOUIS-JACQUES, PE ANICK JOSEPH (RIP), PE GEORGES, PE DELIX MICHEL, PE DUCARMEL, PE JEANNOT, PE ZUKY, PE ELDER, PE JEAN YVES JEAN NOEL, PE CRISPIN, PE ALMONACY, PE LAROSILIERE, PE CASTEL GERMEIL.
NAN GRAN SEMINE TUJO MWEN TE ANSEYE LIV SAJES YO, EVANJIL YO, EPIT SEN POL YO, LIV PWOFET YO. GRAN SEMINE CAZO MWEN TE ANSEYE ENTWODUKSYON LABIB AK PENTATEK. NOU TE GEN EGZAMEN CHAK TRIMES. NOU TE GEN EGZAMEN EKRI EPI ORAL POU SEMINARIS DENYE ANE YO KI TAP PREPARE BAKALOREYA NAN TEOLOJI. SEMINARIS YO TE KON VINI KOTE M PAFWA POU BEZWEN ESPIRITYEL YO. TOUT PE YO NOU TE KON MANJE ANSANM NAN REFEKTWA KI REZEVE POU NOU. SE TE OKAZYON POU NOU FE ECHANJ. TE GEN PE JACQUES PERCY, JEAN-CLAUDE LESPINASSE, FRITZ WOLFF, HAROLD DUROSIER, FRANCOIS MOISE, ANDRE PIERRE, BERTRAND. NOU TE FOME YON BEL LAFANMI. NOU GEN YON BON ZANMI PE LESPINASSE KI KON VINI MANJE AK NOU DIMANCH MAXIMILIEN YON NEG TRE KILTIVE KI TAP TRAVAY NAN ENSTITU FRANSE A. NOU KON REYINI PERIODIKMAN SOU DOSYE SEMINARIS YO EPI FE RAPO POU NOU VOYE BAY EVEK YO. NAN MATEN NOU TE GEN LOD AK SEMINARIS YO AVEK LAMES. CHAK PE TE GEN JOU PA YO POU YO SELEBRE. A MIDI NOU TE GEN LOFIS. EPI A 6H NAN ASWE NOU TE GEN VEP. ANFEN A 8H ANVAN NOU DOMI, NOU TE GEN KONPLI. A 1H NAN APRE MIDI SE TE MOMAN POU TOUT MOUN FE SYES. APRE DINE NOU KON CHITA ANTRE NOU POU FE ECHANJ.
GRAN SEMINE CAZO
SE MONSEYE PETION LAROCHE KI TE FONDE GRAN SEMINE CAZO. MWEN SE TE PREMYE PWOMOSYON KI TE FREKANTE L LE LI LOUVRI AN 1974. PI TA MWEN PRAL ANSEYE NAN GRAN SEMINE CAZO ENTWODIKSYON LABIB AK PENTATEUK. CHAK MEKREDI NENE CHOFE MONSEYE LAROCHE TE KON VINI CHECHE M TUJO. APRE SA LE MWEN GEN YON DJEEP MWEN KONDWI MWEN MENM. KOM LOT PWOFESE TE GEN PE SERGE MIOT, PE ANDRE PIERRE, PE ADRIEN VIL,PE ANDRE LEBARZIC, PE CASTEL GERMEIL, PE CLARCK DELACRUZ, PE ZUCKI, PE BERNARD NEMORIN, PE YVES MARIE PEAN. PANDAN ANVIWON 2 LANE MWEN TE RESPONSAB GRAN SEMINE CAZO. TE GEN GWOUP KARISMATIK KOMINOTE NOUVEL NAN MIAMI AVEK EVELYNE MCGUFFIE AK KEK LOT ZANMI PESONEL NAN DYASPORA KI TE KON EDE M AVEK SEMINARIS YO. AVEK DJEEP MWEN AN M TE KON AL FE PWOVIZYON POU YO NAN MAKET POU M KONPLETE MANJE YO TE KON BA YO. M TE CHANJE TOUT VESEL YO TE KON SEVI. AJOUTE GOUTE NAN LAPRE MIDI. EPI EDE YO LE GEN PWOBLEM SANTE. SEMINARIS TUJO TE KON FE TI JALOUZI LE SA. SEMINARIS SA YO TOUJOU RETE ATACHE AK MWEN. ANT CAZO EPI TUJOU GEN YON PWOMOSYON KI TE PASE 6 LANE AK MWEN. YO TE BAN MWEN PAREN PWOMOSYON SA. LADAN YO TE GEN PE FRANCOIS AUGUSTIN, PE ANICK JOSEPH (RIP), PE DELIX MICHEL, MGR PATRICK ARIS, PE SALOMON… LE SITIYASYON EKONOMIK NAN TE DIFISIL POU MWEN, M TE VLE BAY DEMISYON MWEN. MEN SEMINARIS YO PAT VLE. YON FWA MWEN MONTE MACHEN MWEN POU M AL FE WOUT MWEN. YO KANPE AN KWA DEVAN MACHEN NAN. YO DI M SI M ALE SA PRAL PI RED POU YO. JODI A PI FO NAN YO VIN PE EPI OKIPE PLAS ENPOTAN NAN LEGLIZ DAYITI. MESI JEZU. MESI LAVYEJ.
PWOFESE LOT KOTE :
GRAN SEMINE EPISKOPAL, OCA, SEN FRANSWA DASIZ, ME SAKRE-KE, KOLEJ ROGER ANGLAD, GWOUP KARISMATIK BOUDON, RETRET SENT MARI.
1.- OMONYE NAN KOLEJ SEN FRANSWA DASIZ
PANDAN ANVIWON 15 LANE MWEN TE OMONYE NAN KOLEJ SEN FRANSWA DASIZ POTOPRENS. PANDAN MWEN TE PWOFESE GRAN SEMINE TUJO AK KIRE PAWAS SAKRE KE. MWEN TE FE KOU RELIJYON NAN KLAS RETO AK FILO. SE TE NAN EPOK SE DALMAND (RIP), SE THERESE D’ALENCON (RIP), SE CECILE YON KANADYEN, SE MARIE RAYMOND (RIP), SE MARGARET LIGONDE, SE JOCELEN (RIP), SE THERESE, SR… PWOFESE CLERISME, MET CLERVEAUX, MET MONCY, MADAN DANIEL PERODIN… CHAK DIMANCH MWEN TE KON FE MES POU ELEV YO NAN ODITORYOM NAN. MWEN PATISIPE A PLIZYE PREMYE KOMINYON AVEK KEK SEREMONI KONFIMASYON. ME YO TE KON ENVITE M PRECHE NAN RETRET YO OGANIZE VILLA MANRESE TUJO. SR JOCELYN TE TOUJOU NAN RETRET SA YO. LI TE KON POTE DEJENE POU MWEN. MWEN TE GEN ANPIL FAMILYARITE AVEK ME SEN FRANSWA YO. SITOU SE MARIE RAYMOND KI PI TA TE PRAL BAN MWEN BON ED NAN SAKRISTI PAWAS SAKRE KE A. APRE LAMES DIMANCH YO TOUJOU ENVITE M DEJENE. TE GEN YON PANSYON KE SE DALMAND TE DIRIJE. ME SEN FRANSWA YO TE TOUJOU APRESYE M. SE YOUN NAN BEL EKSPERYANS NAN LAVI M. TIMOUN YO TOU TE BYEN RENMEN M. DEPI M PARET SOU LAKOU A YON PAKET KOURI VINI JWEN MWEN.
2.- PWOFESE KATECHEZ KAY ME SAKRE KE YO.
MWEN PASE ANVIWON 7 LANE KOM PWOFESE KATECHEZ KAY ME SAKRE KE YO (FIY LA SAJES). MWEN TE FE KOU RELIJYON NAN KLAS TWAZYEM, SEGOND, RETO, FILO. SE TE NAN EPOK SE JEANINE NONEZ, SE THERESE ROGATIENNE,PE MOISE FRANCOIS, MET ZAMOR. MWEN KON FE LAMES POU YO PAFWA DIMANCH. MWEN PATISIPE AK PLIZYE GRADYASYON. YO KON ENVITE M DINE PAFWA. YON LE YO TE ENVITE M AL PRECHE YON RETRET YO TE OGANIZE NAN YON KAY ME YO GENYEN BO LANME NAN ZON GRANGWAV. MWEN SONJE KEK ELEV : LUDWINE JOSEPH KI ANIMATRIS MOUVAN KARISMATIK ETAZUNI KOUNYE A. MWEN SONJE ROSE DANIE ANDRE (RIP), MARIE ALICE MOISE, GINA JASMIN (RIP)… KOU YO KON TRE ANIME SUTOU LE 14 FEVRIYE.
3.- PWOFESE KATECHEZ KAY ROGER ANGLAD, OCA, BOUDON
MADAN ROGER ANGLADE TE MANDE M FE KATECHEZ NAN LEKOL ROGER ANGLAD. SE TE PE QUENTIN KI TE KON FE L LONTAN. MWEN TE ANSEYE KOU RELIJYON NAN KLAS RETO AK FILO. ELEV YO TE YON TI JAN DEZOD. MEN TI KRAS PA TI KRAS YO VINI SAJ. YO POZE M KESYON. MWEN FE GRADYASYON POU YO. KEK ANE PI TA MWEN RANKONTRE KEK LADAN YO NAN LAVI PWOFESYONEL YO. GEN YOUN KI VINI YON GWO LIDE KARISMATIK NAN YON LEGLIZ MIAMI. MWEN GEN YON BEL SOUVNI DE MADAN ROGER ANGLADE, MISYE PAILLERE, MADAN BORDES KI TE SEVE NAN DISIPLEN, ROGER ANGLADE JR.
SR THERESE D’ALENCON TE MANDE M FE KOU LABIB NAN OFIS KATECHETIK ACHIDYOSEZ LA (OCA). PANDAN PLIZYE ANE MWEN KON AL FE KOU LABIB POU ETIDYAN YO NAN LEKOL SEN LWI GONZAG NAN RU DU SANT. TE GEN LAYIK. TE GEN RELIJYEZ. GEN NAN LAYIK SA YO KI VINI RESPONSAB GWOUP KARISMATIK.
SR CLAIRE GAGNE TE KON MANDE M FE SESYON BIBLIK AK GWOUP KARISMATIK YO KI KON REYINI NAN LEKOL SEN LWI NAN BOURDON. SE TE EPOK SE CECILE. NAN ODITORYOM NAN TE GEN PLIZYE MANM NAN GWOUP KARISMATIK YO KI TE KON REYINI. YON LE M TE BYEN SEZI PAMI ETIDYAN YO TE GEN YON ANSYEN PREZIDAN DAYITI MADAN ERTHA PASCAL TROUILLOT. LI TE TRE SENP. EPI LI FE EKZAMEN YO MENM JAN AK TOUT MOUN.
4.- PWOFESE LABIB NAN GRAN SEMINE LEGLIZ EPISKOPAL
PE BEAUVOIR YON PE EPISKOPALYEN TE MANDE M FE KOU LABIB TOU SOU PWOFET YO POU GRAN SEMINARIS EPISKOPALYEN YO NAN KOLEJ SEN PYE SOU CHANMAS. MWEN TE FE SA PANDAN PLIZYE ANE. MWEN TE KON PE BEAUVOIR DEPI LONTAN. LI TE KIRE LEGLIZ SEN TOMA EPISKOPAL AKAYE. NI SE M NAN PAULA CAMPION NI FRE M NAN MICHEL CAMPION TE KON FE KOU NAN YON LEKOL KI TE ASOSYE AK LEGLIZ SA. PE BEAUVOIR TE MARYE AK JEANINE PIERRE KI TE RETE TOUTSWIT APRE KAY MANMAN M NAN PITIT MR AK MADAN CLEMENT PIERRE NOU KON RELE MATANT KEKE. MWEN TE KONTAN FE EKSPERYANS SA AK EPISKOPALYEN YO. M TE APRESYE ESPRI OUVETU YO. DAYE PI TA BOFRE M NAN ANDRE DUVERT PRAL AVOKA YO, SUPEVIZE SETEN BYEN YO TE GENYEN NAN ZON TUJO EPI RAN GWO SEVIS NAN KATEDRAL SENT TRINITE EPISKOPAL POTOPRENS.
5.- ZEV PONTIFIKAL MISYONE (OPM)
PANDAN MWEN TE PWOFESE GRAN SEMINE POTOPRENS, KONFERANS EPISCOPAL AYISYEN YO (CEH) ANSANM AVEK VATICAN NOMEN MWEN DIREKTE NASYONAL ZEV PONTIFIKAL MISYONE (OPM). APRE 5 LANE YO RENOUVLE MANDA MWEN POU 5 LOT ANE. KIDONK CHAK ANE PANDAN 10 ANE YOUN APRE LOT MWEN VOYAJE WOM POU 2 SEMEN. TE GEN DIREKTE NASYONAL KI TE SOTI NAN TOUT PEYI KATOLIK KI SOU LATE. NOU KON REYINI NAN ODITORYOM URBANIANA. PANDAN PREMYE SEMEN NAN NOU DISKITE SOU DIFERAN PWOBLEM PLIZYE LEGLIZ RANKONTRE E KIJAN POU REZOUD YO. MWEN SONJE PE PRINCE BERNARD YON KANADYEN KI TE RESPONSAB PANDAN YON TI BOUT TAN.RANKONT YO TE KON FET NAN TOUT LANG. CHAK MOUN TE GEN EKOUTE NAN ZOREY YO AVEK TRADIKSYON. MWEN PAT BEZWEN EKOUTE LE ENTEVANSYON TE FET AN FRANSE, ITALYEN, PANYOL AK ALMAN. DEZYEM SEMEN NAN NOU PATAJE LAJAN KI TE RAMASE NAN TOUT LEGLIZ KATOLIK YO NAN OKAZYON JOUNEN MISYONE MONDYAL NAN MWA OKTOB. LEGLIZ KI PI POV YO PREZANTE DEMAN YO GENYEN KONSENAN KONSTRIKSYON LEGLIZ, CHAPEL, LEKOL, OFELINA, LOPITAL ETC… NOU CHAK DIREKTE NASYONAL YO TE GEN YON DOSYE PROJE DIFERAN DYOSEZ YO NAN MEN NOU. NOU ENTEVENU POU YO FINANSE PWOJE YO EPI YO VOYE LAJAN AN AMERIKEN BAY NONS APOSTOLIK DIFERAN PEYI YO POU YO BAY EVEK RESPONSAB DYOSEZ YO KI LI MENM AP FE DISTRIBISYON BAY PE KIRE DIFERAN PAWAS YO. MONSEYE PETION LAROCHE TE MANDE M FE YON ENTEVANSYON POU KONSTRIKSYON KATEDRAL ENCH. E SE KONSA MWEN TE JWEN YON BON TI KOB POU KONSTRIKSYON KATEDRAL ENCH LA. CHAK JOU NOU MANJE ANSANM, NOU FE LAMES ANSANM, NOU LAPRIYE ANSANM. EPI DENYE JOU A NOU TOUT ALE RANKONTRE PAP JAN POL II. LI FE YON DISKOU. APRE SA NOU FE YON FOTO NOU TOUT ANSANM AVEK PAP LA, PE YO, EVEK YO AK KADINAL YO. APRE SA LI PASE SALYE NOU CHAK AN PATIKILYE PANDAN KE FOTO AP FET. SE KONSA PANDAN 10 LANE MWEN TE GEN OKAZYON RANKONTRE EPI FE FOTO AVEK PAP JAN POL II. MWEN TE GEN OKAZYON TOU RANKONTRE PHILIPPE OUEGADROGO KI SOTI NAN BURKINA FASO. NOU TE ABITE KOLEJ SEN POL ANSANM. EPI LI TE DIREKTE NASYONAL OPM POU PEYI L PANDAN 10 LANE. APRE SA LI VINI ACHEVEK NAN PEYI L EPI NAN LANE 2014 YO KREYE L L KADINAL MENM MOMAN AK MONSEYE CHIBLY LANGLOIS.
PANDAN MWEN TE ALE CHAK ANE PANDAN 10 LANE NAN REYINYON DIREKTE NASYONAL ZEV PONTIFIKAL MISYON, MWEN TE TOUJOU PWOFITE JWEN YON MOMAN POU M KOURI AL RAN VIZIT AK ZANMI M YO NAN PAWAS CARTIGLIANO NAN DIOSEZ VICENZA. LE M TAP ETIDYE WOM M TE TOUJOU ALE FE MISYON NAN EPOK SEMEN SENT NAN CARTIGLIANO KOTE DON GUIDO PETRIN TE KIRE AK DON ATILIO VIKE. CHAK ANE SE TE BEL RETWOUVAY. YO KON BANM TOU ENTENSYON LAMES.
