11 Chapit 11 : KONGRE CBNDF YO

YOUN NAN EVENMAN ENPOTAN NAN CBNDF BWANEF LA SE KONGRE YO. PREMYE KONGRE KI TE FET NAN CBNDF NAN LANE 2014 SE TE YON INISYATIV MADAN RENE DESTIN. KEK ANE ANVAN SA MADAN RENE DESTIN TE FE YON SEMINE LAVI NAN LESPRI BWANEF. LE SA SE CLAIRE GAGNE TE VINI AK YON EKIP NAN DENYE JOU ANVWA AN MISYON. SE KONSA TE GEN YON GWOUP KARISMATIK KI KREYE NAN CBNDF KI TE AFILYE AK GWOUP KARISMATIK SR CLAIRE GAGNE NAN BOURDON.

KONGRE MANDE ANPIL DEPANS. ANPIL OGANIZASYON. MWEN KON WE KIJAN KONGRE NASYONAL SE CLAIRE YO FET. SE TE PI GWO EVENMAN RELIJYE KI TE KON FET CHAK ANE NAN LEGLIZ DAYITI. MWEN PA TAP JANM PRAN CHANS OGANIZE YON KONGRE NAN CBNDF BWANEF PASKE MWEN PA GEN MOYEN POU SA. SE GRAS A MADAN RENE DESTIN PREMYE KONGRE SA TE OGANIZE. YON LANE DAVANS MWEN TAP PREPARE KONGRE SA. NOU TE ENVITE CHIBLY KADINAL LANGLOIS ANSYEN ELEV MWEN GRAN SEMINE POTOPRENS. NOU TE ENVITE MONSEYE PIERRE ANDRE DUMAS ANSYEN REKTE MWEN NAN GRAN SEMINE NOTRE-DAME TUJO POTOPRENS. MWEN TE ENVITE TOU MONSEYE LOUIS KEBREAU YON PWA LOU NAN LEGLIZ DAYITI. NOU ENVITE TOUT PE NOU TE KAPAB JWEN POU EDE NAN KONFESYON. NOU TE ENVITE GILBERT DABADY AK REGINALD MAGLOIRE KOM ANIMATE KI SOTI LOT BO DLO. NOU FE SPOT PIBLISITE NAN PRESKE TOUT MEDIA ENPOTAN YO. KONSA TE PRAL GEN YON PAKET FOUL MOUN KI TAP SOTI NAN TOUT KAT KWEN PEYI DAYITI AK NAN DYASPORA. ESPESYALMAN ZANMI CBNDF DEPI LONTAN KOU WE EKIP MARGARET GARCON AN. NOU ENVITE PLIZYE KORAL. CBNDF GEN KORAL PA L « LES CHOEURS DES SERAPHINS DU CBNDF » KE ANNECIE TE FONDE DEPI LE NOU TE DELMA 41. KORAL SA TOUJOU CHANTE CHAK FET 13 ME AK 13 OKTOB. APRE SA TE VIN GEN « KORAL KARISMATIK CBNDF » AVEK « KORAL LES AMIS DE FATIMA ».

ANPIL LOJISTIK TE METE ANPLAS POU PREMYE KONGRE 2014 CBNDF LA. TE GEN YON BEL PODYOM BYEN CHE SOU TET MON NAN AVEK YON BEL VU SOU LANME A, SOU LETAN BWANEF AK SOU WOUT NASYONAL LA. TE GEN PLIZYE TANT BYEN CHE, BYEN BWODE NOU TE PLANTE NAN ESPAS LA KI TE KAPAB AKEYI PLIZYE MILYE MOUN. NOU TE GEN BON JAN SON AK GWO SPEAKER MONTE SOU ECHAFO. SA TE KOUTE BYEN CHE. NOU TE GEN FANFA, PLIZYE MIZISYEN KI SOTI SENMAK AK POTOPRENS. PLIZYE MEDYA TE ENVITE POU KOUVRI EVENMAN SA KI TAP KOMANSE VANDREDI POU FINI NAN DIMANCH APRE MIDI. KIWO, SCOUT YO, EKIP LITIJIK NAN LOT PAWAS POTE KONKOU PA YO. OTORITE LETA YO TOU. LAPOLIS. LAMERI SENMAK. PWOTEKSYON SIVIL. LAKWA WOUJ. MACHAN YO TE FE KENKEN. YO TE SOTI TOUPATOU. NOU BAY PLIZYE MOUN MANJE GRATIS. GEN PELEREN KI ANTRE TOU NAN MOUVMAN BAY MANJE GRATIS LA. ANTRE YA TE LIB. MWEN TE TOUJOU KONBAT SISTEM PEYE TIKE POU AL LAPRIYE. MWEN TE TOUJOU TRE MAL ALEZ AVEK LIDE SA. MWEN TE TOUJOU KWE SI WAP TRAVAY AK TOUT KE W POU AVANSMAN LEVANJIL LA LAPWOVIDANS DIVEN AP BA W TOUT SA W BEZWEN SOU PLAN MATERYEL. E SE SA MENM KI RIVE POU PREMYE KONGRE A. MWEN SE MO. MWEN PA KON PRI DRA. LAVYEJ MARI VOYE TOUT SA MWEN TE BEZWEN. PA EXANP NOU TE BEZWEN LIMYE POU KLERE TEREN AN ASWE. PASKE PI FO MOUN YO TE PRAL DOMI LEVE PANDAN 3 JOU YO. EPI TEREN VAS ANPIL. SE PLIZYE KAWO TE. MWEN ACHTE YON PAKET LANP SOLEY METE TOUPATOU SOU TEREN AN. MEN YO TE SANBLE PITO AK TI KOUKOUY. SE KONSA LAVYEJ PRAL ENTEVENU. SAN MWEN PA FE OKEN DEMACH, YON JOU MWEN WE LAPOLIS DEBAKE AVEK YON PAKET GWO TONTON PWOJEKTE AK TOUT MOTE YO CHAJE AK GAZ POU PLIZYE JOU AK YON TEKNISYEN POU OKIPE PWOJEKTE YO. LESWA CBNDF TE SANBLE AK PARI VIL LIMYE. TRAVAY LAVYEJ. TRAVAY LAPWOVIDANS DIVEN !

TEM PREMYE KONGRE A SE TE « LAPRIYE, PENITANS, KONVESYON ». SE TE MESAJ MANMAN FATIMA TE BAY 3 TIMOUN YO POTIGAL. CHAK JOU NOU TE GEN LAMES, PWOSESYON, WOZE, PRIYE LIBERASYON, ANPIL ANPIL KONFESYON. MWEN TOUJOU RETE KWE BONDYE PA BAY GRAS SOU KRAS. SA KI FE SIKSE YON KONGRE SE LE KE ANPIL MOUN NETWAYE AK LAKONFESYON. KONGRE SA SE TE YON VERITAB FET. ANPIL TEMWAYAJ GERIZON. GLWA POU BONDYE !

DEZYEM KONGRE CBNDF NAN BWANEF AN FEVRIYE 2015 TE DEWOULE PRESKE MENM JAN AK PREMYE KONGRE 2014 LA. KOM ENVITE ESPESYAL MWEN TE GEN MONSEYE LOUIS KEBREAU, MONSEYE SATURNE LAUNAY, MONSEYE MAX MESIDOR LEROY KI TE ACHEVEK KAP AYISYEN NAN EPOK SA. MOUN SENMAK TE ANVAYI L LE SA PASKE LI TE KIRE PAWAS SEN MAK PANDAN LONTAN. TE GEN PLIZYE PE KI SOTI TOUPATOU. EPI YON PAKET FOUL MOUN.

APRE SA PANDAN 3 LANE YOUN APRE LOT NOU FE YON KONGRE ESPESYAL KI DIRE 6 JOU. NOU PAT GEN MWAYEN METE TOUT LOJISTIK 2 PREMYE KONGRE YO. MEN LI TE PI ESPIRITYEL. 6 JOU LAPRIYE SAN RETE. LAJOUNEN KOU LANWIT DIFERAN GWOUP TAP LAPRIYE. YO TE DOMI LEVE PANDAN 6 JOU SAN KONTE SA KI TE VINI DEPI LAVEY EPI KI ALE SELMAN APRE 2 OUBYEN 3 JOU KONGRE A FINI. NOU OGANIZE NOU POU NOU BA YO DEJENE, DINE, SOUPE AK TOUT YON VARYETE MANJE. ANPIL MOUN ANTRE NAN KONBIT BAY MOUN MANJE A AVEK JENEWOZITE. MACHAN MANJE TE FE KENKEN. ANPIL GERIZON. ANPIL LIBERASYON. POWSESYON AK ADORASYON SAN RETE. LONG FIL MOUN POU KONFESYON. ANPIL KONVESYON. TOUT MOUN TE KONTAN. ANPIL GRAS. ANPIL BENEDIKSYON. SA MONTRE YON LOT FWA ANKO SE PA LOJISTIK, SE PA EKSTRAVAGANS MATERYEL KI FE SIKSE YON KONGRE. LAVYEJ RENMEN BAGAY KI SENP. SE LE SA LI MANIFESTE PI FASIL. APRE SA NOU FE YON KANPE SOU KONGRE YO. POUTET MANIFESTASYON, ENSEKIRITE, PEYI LOK. EPI ANE 2020, ANE 2021 POUTET COVID-19 KI REPREZANTE YON MENAS POU LASANTE AK LAVI PELEREN YO NOU FE YON KANPE SOU KONGRE YO.

CHAPIT 13 : CBNDF AK REZO SOSYO YO

DEPI MWEN TE NAN KAY LAPRIYE DELMA 41 NAN LANE 2008 MWEN TE GEN NAN TET MWEN KREYE YON ESTASYON RADIO AK TELEVIZYON POU GAYE LEVANJIL LA PI PLIS. SE KONSA PANDAN KEK MWA MWEN TE AN KONVALESANS SOU YON CHEZ WOULANT, AVEK YON LAPTOP MWEN KOMANSE KREYE VIDEO. SE TE YON DISTRAKSYON POU MWEN. M PAT KON ANYEN NAN FE VIDEO. MEN LAVYEJ MARI GIDE M NAN TOU SA MAP FE. E SE KONSA MWEN KOMANSE KREYE PLIZYE DIZEN VIDEO MET LA POU TE KAPAB SEVI YON JOU. MWEN FE ANPIL DEMACH POU M TE METE YON ESTASYON RADIO KANPE NAN KAY LAPRIYE DELMA 41 AN. MWEN JWEN ANPIL DIFIKILTE. APRE TRANBLEMAN TE 12 JANVYE A M KONPRAN POUKISA LAVYEJ PAT KITE M FE OKEN ENSTALASYON PASKE TRANBLEMAN TE 12 JANVYE A TAP KRAZE TOUT. LI TAP YON ENVESTISMAN INITIL. MWEN DI LAVYEJ MARI MESI. E SA MONTRE YON MOUN PA DWE JANM KONTRARYE LE W GEN OBSTAK NAN YON PWOJE PASKE BONDYE KONNEN POUKISA.

LE MWEN RIVE CBNDF BWANEF APRE 12 JANVYE 2010 YON FIDEL SIKJERE M EKRI SOU FACEBOOK. MWEN DI L SA PA ENTERESE M. MWEN TELMAN KON TANDE YAP DI VYE BAGAY SOU FACEBOOK. MEN LIDE A RETE NAN TET MWEN. EPI YON JOU MWEN DESIDE AL SOU FACEBOOK POU M WE SA L YE. MWEN PAT KONNEN ABSOLIMAN ANYEN SOU FACEBOOK. LE SA MWEN SEZI. MWEN WE KALITE OPOTINITE FACEBOOK OFRI POU EVANJELIZASYON. EPI SE KONSA DEPI PLIZYE ANE MWEN KOMANSE FE EVANJELIZASYON SOU FACEBOOK. MWEN LOUVRI PLIZYE PAJ. PAJ KI PI POPILE A SE Jules Campion.

APRE FACEBOOK MWEN MONTE SOU YOUTUBE. MWEN GEN 3 CHENN TV SOU YOUTUBE. YOUN LADAN GEN 6.520 VIDEYO SOU TOUT KALITE SUJE. MWEN GENYEN YON CHENN TV TOU SOU « DAYLIMOTION » AK « VIMEO » AK PLIZYE VIDEO SOU YO.

CBNDF SOU TWITTER. NOU GEN 2 PAJ SOU TWITTER. YOUN GEN 600 TWEET. LOT LA GEN 2000 TWEET ANVIWON.

CBNDF SOU PINTEREST AVEK PLIZYE SANTEN ZEPENG. WAP JWEN CBNDF TOU SOU PLIZYE LOT REZO SOSYO : TUMBLR, TROVO, TIK TOK, LINKEDIN, REDDIT, INSTAGRAM, SKYROCK, FLICKR. MA GEN TAN BAN NOU ADRES, LYEN TOUT REZO SOSYO SA YO CBNDF FE PIBLIKASYON SOU YO.

WAP JWEN CBNDF SOU SOUNDCLOUD AVEK PLIZYE SANTEN AUDIO CLIPS. MWEN SEVI TOU AK « YOUR LISTEN.COM

 » POU ANREJISTRE AUDIO CLIPS.

MWEN DEKOUVRI TOU YON LOJISYEL KI PEMET MWEN EKRI LIV SOU ENTENET. SE PRESSBOOK. GEN PLIZYE LIV KI AN PREPARASYON SOU PRESSBOOK. LIV « TEMWAYAJ PE CAMPION » SE YOUN LADAN YO.

APRE SA MWEN KREYE ESTASYON RADIO FATIMA. (https://radiofatima1.airtime.pro/

). LI EMET LAJOUNEN KOU LANWIT SAN RETE. LI RIVE NAN 30 PEYI AKTYELMAN. RADIO FATIMA EMET SOU ANVIWON 25 PLATFOM DIFERAN.

GEN 8 ESTASYON RADIO FATIMA ANTOU : 1) RADIO FATIMA LOUANGE 2) RADIO FATIMA FRANCAIS 3) RADIO FATIMA ENGLISH (GEN 2 RADIO FATIMA AN ANGLE YOUN AVEK zeno.fm.

LOT LA AVEK live365. 4) GEN RADIO FATIMA VEYDENWI 5) GEN RADIO FATIMA CBNDF 6) GEN RADIO FATIMA LAPRIYE. 7) GEN RADIO FATIMA LABIB.

TOUT 8 ESTASYON RADIO FATIMA YO FONKSYONE LAJOUNEN KON LANWIT SAN RETE 24/7. YON LOT FWA MA PA NOU ADRES AK LYEN RADYO SA YO SI NOU TA VLE KAPTE YO. POU RADIO FATIMA LOUANGE GEN YON NIMEWO TELEFON POU MOUN KI OZETAZUNI KAPAB KOUTE L KON YON APEL LOKAL (CALL-TO-LISTEN).

MWEN TE KREYE TOU LOT ESTASYON RADIO SOU ENTENET LA AN PANYOL AK POTIGE. MEN AKOZ PWOBLEM LAJAN MWEN KITE YO TONBE. NAN ESTASYON RADIO FATIMA YO OU JWEN EMISYON SOU LABIB, LAFWA KATOLIK, MIZIK SAKRE, LAVI SEN YO, ISTWA LEGLIZ LA, LAVYEJ MARI, LAVI JEZU, MIZIK KLASIK, MIZIK ENSTRIMENTAL, MIZIK GREGORYEN, MIZIK RELIJYEZ, CHANSONET, OPERA, KONSE, ETUD BIBLIK, PRECH, KATECHIS, LITUJI, ISTWA LEGLIZ DAYITI, ISTWA LEGLIZ INIVESEL, KESYON AK REPONS, AYITI, EDUKASYON, LASANTE, REMED FEY, LANATU, ETC… ETC…

DEPI 2 LANE MAP TRAVAY SOU ESTASYON TELEVIZYON SOU NET LA. MWEN KREYE YOUN KI GEN 25 KANAL. MWEN RELE L « CBNDF TV NETWORK ». LI GEN GID TELEVIZYON (TV GUIDE) KI PEMET WE PWOGRAM TOUT 25 KANAL YO APATI PREMYE EKRAN. LI GENYEN « WATCH LATER » KI PEMET SI W PA GEN TAN GADE YON EMISYON OU ANREJISTRE L EPI W GADE L PI TA. LI EMET LAJOUNEN KOU LANWIT SAN RETE (24/7). CHAK ANE MWEN PEYE L SOU ENTENET. BAZ LI SE CHICAGO, ETAZINI. POU W KAPTE L OU KLIKE SOU : strimm.com/telecbndf

.

AVEK MENM KONPAYI A, MWEN KREYE YON DEZYEM ESTASYON TV MWEN RELE « CBNDF TV ». LI GEN 10 CHENN. MA GEN TAN BAN NOU ADRES AK LYEN YO. KONPAYI STRIMM BAY POSIBLITE SOU CHAK CHANEL OU KREYE OU KAPAB GEN AKSE AK PLIS PASE MIL LOT CHANEL SOU TOUT KALITE SUJE NAN PRESKE TOUT PRENSIPAL LANG SOU LATE. SE YON JA LAJAN !

MWEN DEKOUVRI TOU YON LOT APP KI PEMET MWEN EMET AN DIREK. NENPOT VIDEO ANSYEN KAPAB PARET KOM SI L TE AN DIREK. MWEN REMAKE ANPIL TELEVIZYON AYISYEN KI PARET DEPI KOWONA VIRUS LA SEVI AK LI. YO RELE L : https://restream.io

LI PEMET FE PWOGRAMASYON EMISYON YO ALAVANS. EPI EMISYON YO PARET SOU PLIZYE PLATFOM ALAFWA (FACEBOOK, TWITTER, PERISCOPE, YOUTUBE ETC…). ANVIWON 25 PLATFOM DIFERAN. OU PEYE restream.io SWA PA MWA SWA CHAK LANE. MWEN MANDE BONDYE AK LAVYEJ EDE M JWEN TEKNISYEN AK MOYEN POU M METE SOU PYE YON JOU YON GWO GWO TONTON REZO RADIO TELEVIZYON PASKE SE YON GWO ZOUTI POU GAYE BON NOUVEL LA.

RADIO TELE FATIMA

DEPI MWEN TE NAN KAY LAPRIYE DELMA 41 MWEN TE GEN NAN TET MWEN KREYE YON ESTASYON RADIO AK TELEVIZYON POU GAYE LEVANJIL LA PI PLIS. SE KONSA PANDAN KEK MWA MWEN TE AN KONVALESANS SOU YON CHEZ WOULANT, AVEK YON LAPTOP MWEN KOMANSE KREYE VIDEO. SE TE YON DISTRAKSYON POU MWEN. M PAT KON ANYEN NAN FE VIDEO. MEN LAVYEJ MARI GIDE M NAN TOU SA MAP FE. E SE KONSA MWEN KOMANSE KREYE PLIZYE DIZEN VIDEO MET LA POU TE KAPAB SEVI YON JOU. MWEN FE ANPIL DEMACH POU M TE METE YON ESTASYON RADIO KANPE NAN KAY LAPRIYE DELMA 41 AN. MWEN JWEN PLIZYE DIFIKILTE. APRE TRANBLEMAN TE 12 JANVYE A M KONPRAN POUKISA LAVYEJ PAT KITE M FE OKEN ENSTALASYON PASKE TRANBLEMAN TE 12 JANVYE A TAP KRAZE TOUT. LI TAP YON ENVESTISMAN INITIL. MWEN DI LAVYEJ MARI MESI. E SA MONTRE YON MOUN PA DWE JANM KONTRARYE LE W GEN OBSTAK NAN YON PWOJET PASKE BONDYE KONNEN POUKISA.

LE MWEN RIVE CBNDF BWANEF APRE 12 JANVYE 2010 YON FIDEL SIKJERE M EKRI SOU FACEBOOK. MWEN DI L SA PA ENTERESE M. MWEN TELMAN KON TANDE YAP DI VYE BAGAY SOU FACEBOOK. MEN LIDE A RETE NAN TET MWEN. EPI YON JOU MWEN DESIDE AL SOU FACEBOOK POU M WE SA L YE. MWEN PAT KONNEN ABSOLIMAN ANYEN SOU FACEBOOK. LE SA MWEN SEZI. MWEN WE KALITE OPOTINITE FACEBOOK OFRI POU EVANJELIZASYON. EPI SE KONSA DEPI PLIZYE ANE MWEN KOMANSE FE EVANJELIZASYON SOU FACEBOOK. MWEN LOUVRI PLIZYE PAJ. MWEN RIVE GEN PLIZYE MILYE MOUN SOU PAJ MWEN AN. PAJ KI PI POPILE A SE facebook.com/julescampion. APRE SA MWEN MONTE SOU YOUTUBE AK PLIS PASE 500 VIDEO. PI DEVAN TOUJOU MWEN SEVI AK TWITTER. EPI MWEN JWEN SOUNDCLOUD KI PEMET MWEN VOYE PLIZYE SANTEN AUDIO CLIPS. MWEN SEVI TOU AK « YOUR LISTEN.COM », INSTAGRAM, LINKEDIN. MWEN KREYE YON SIT ENTENET POU CBNDF (www.fatoutou.org). MWEN DEKOUVRI TOU YON LOJISYEL KI PEMET MWEN EKRI LIV SOU ENTENET. SE PRESSBOOK : fatoutou2.pressbooks.com. APRE SA MWEN KREYE YON ESTASYON RADIO (https://radiofatima1.airtime.pro/). LI EMET LAJOUNEN KOU LANWIT SAN RETE. MWEN TE KREYE TOU PLIZYE ESTASYON RADIO SOU ENTENET AN ANGLE, PANYOL, POTIGE, FRANSE AK KREYOL. MEN AKOZ PWOBLEM LAJAN MWEN KITE YO TONBE. MWEN KONSEVE SELMAN SA KI AN KREYOL LA MELANJE AK FRANSE. GEN EMISYON SOU LABIB, LAFWA KATOLIK, MIZIK SAKRE, LAVI SEN YO, ISTWA LEGLIZ LA, LAVYEJ MARI, LAVI JEZU ETC…

DEPI 2 LANE MAP TRAVAY SOU ESTASYON TELEVIZYON. MWEN KREYE YOUN KI GEN 25 KANAL. MWEN RELE L « CBNDF TV NETWORK ». LI GEN GID TELEVIZYON (TV GUIDE) KI PEMET WE PWOGRAM TOUT 25 KANAL YO APATI PREMYE EKRAN. LI GENYEN « WATCH LATER » KI PEMET SI W PA GEN TAN GADE YON EMISYON OU ANREJISTRE L EPI W GADE L PI TA. LI EMET LAJOUNEN KOU LANWIT SAN RETE (24/7). CHAK ANE MWEN PEYE L SOU ENTENET. BAZ LI SE CHICAGO, ETAZINI. POU W KAPTE L OU KLIKE SOU : strimm.com/telecbndf.

MWEN DEKOUVRI TOU YON LOT APP KI PEMET MWEN EMET AN DIREK. NENPOT VIDEO ANSYEN KAPAB PARET KOM SI L TE AN DIREK. MWEN REMAKE ANPIL TELEVIZYON AYISYEN KI PARET DEPI KOWONA VIRUS LA FOSE MOUN YO FE KONFEMAN SEVI AK LI. YO RELE L : https://restream.io  LI PEMET FE PWOGRAMASYON EMISYON YO ALAVANS. EPI EMISYON YO PARET SOU PLIZYE PLATFOM ALAFWA (FACEBOOK, TWITTER, PERISCOPE, YOUTUBE ETC…). MWEN MANDE BONDYE AK LAVYEJ EDE M JWEN TEKNISYEN AK MOYEN POU M METE SOU PYE YON JOU YON VERITAB REZO RADIO TELEVIZYON PASKE SE YON GWO ZOUTI POU GAYE BON NOUVEL LA.