7 Chapit 7 : KAY LAPRIYE CBNDF LAFLEDICHEN, DELMA 41 AK TOMASEN 28
LE MWEN KITE PAWAS SAKRE, MWEN PAT GEN OKEN KOTE POU M AL DI LAMES. MWEN TE KOU WE RONALDO KI PA JWEN TEREN POU L JWE FOOTBAL. FIDEL YO TE VLE SWIV MWEN. YAP MANDE M KI KOTE MAP FE LAMES. MWEN CHECHE KAY. MWEN CHECHE KAY. MWEN PA JWEN. MEN LAPWOVIDANS DIVEN TE DEJA PREPARE YON KAY POU MWEN SAN M PAT MENM KON SA. LE WAP SEVI BONDYE SENSE OU PA BEZWEN BAT KO W. LAP REGLE TOUT BAGAY POU OU.
TE GEN YON DAM MWEN PAT KONNEN MEN KI TE TOUJOU APRESYE TRAVAY MAP FE KI TE RETE NAN YON KAY LAFLEDICHEN. TE GEN YON GWOT NAN LAKOU A. SE TE YON KAY LAPRIYE. YOUN NAN PITIT LI YO TE VIV DEPI LONTAN ALETRANJE. LOT LA MENM TE VIV NAN ZON LABOUL. LI TE GEN BEL KAY PA L. SE KONSA MANMAN L DESIDE SE MWEN MENM POU L BAY KAY LA. MEN MWEN PAT JANM KON SA. YO CHECHE M PANDAN LONTAN POU DI M SA. MEN SOUVAN MWEN TE AN MISYON ALETRANJE. YO PAT KA JWEN MWEN. PANDAN TAN SA MADANM NAN VEN MOURI. KONSA KAY LA RET VID. PITIT LI DESIDE RESPEKTE DENYE VOLONTE MANMAN L. PANDAN TAN SA MAP CHECHE KAY TOUPATOU POU M KA FE LAMES. MWEN PA JWEN. YON JOU KONSA PITIT MADANM NAN RESI RANKONTRE AK MWEN EPI LI METE KAY LA A DISPOZISYON M.
KAY LA PAT GWO. MEN TI BOUT KOUTO MIYO PASE ZONG. MWEN TE KONTAN JWEN LI. SE TE KADO LAVYEJ. NAN KAY SA MWEN FE LAMES, ADORASYON, CHAPLE, EGZOSIS, MINISTE LIBERASWYON, BENEDIKSYON SAKRAMANTO YO AK TOUT KALITE PRIYE MWEN TE KON FE NAN PAWAS SAKRE KE. KAY LA TE GEN YON ETAJ. SE LA MWEN KON AL REPOZE M. EPI YON FIDEL KON POTE MANJE POU MWEN. TOUJOU TRAVAY LAVYEJ… APRE KEK TAN, PESEKISYON YO REKOMANSE. PITIT MADANM NAN KI TE KITE KAY LA POU MWEN AN TE KON VINI DETANZANTAN NAN MES MWEN YO. YO MENASE POU YO KIDNAPE L. YO FACHE PASKE LI TE METE KAY LA A DISPOZISYON M. MWEN AVETI L POU L PA VINI ANKO. APRE SA TOUJOU YO MENASE POU YO BOULE KAY LA. LE SA MWEN OBLIJE FE YON SERI GWO LAPRIYE A MIDI POU NETRALIZE YO. ANPIL GWO LAPRIYE. BOUT POU BOUT, LAVYEJ FE YO KITE M TRANKIL. MWEN FE MINISTE ANVIWON 2 LANE NAN KAY SA. TE GEN LOT TI KONPLO ANBA ANBA POU YO PRAN KAY LA NAN MEN M. MEN LE SA MWEN PAT VREMAN BEZWEN KAY LA ANKO. PASKE MWEN GEN YON ANSYEN ELEV MWEN KI VINI PWOPOZE M YON LOT GWO KAY GRATIS TI CHERI NAN DELMA 41. KONSA PANDAN KEK TAN MWEN TE FE ALE VINI NAN KAY LAFLEDICHEN NAN AK KAY DELMA JISKASKE YON JOU MWEN ALE TABLI NET ALE NAN KAY DELMA 41 AN. LE SA MWEN REMET KAY LAPRIYE LAFLEDICHEN NAN.
KAY LAPRIYE DELMA 41
LAVYEJ TE FE M JWEN KAY LAPRIYE LAFLEDICHEN NAN. SE TE YON GWO SOULAJMAN. PASKE MWEN PAT GENYEN OKEN KOTE POU M FE LAMES. MEN LI TE TWO PITI POU FOUL MOUN KI TE KOMANSE AP FREKANTE L. SE KONSA LAVYEJ PRAL FE YON LOT MIRAK POU MWEN. YON JOU KONSA YON ANSYEN ELEV MWEN AK TOUT FANMI L VIN PWOPOZE M POU YO METE A DISPOZISYON M YON GWO KAY YO TE GENYEN DELMA 41. SA SE TRAVAY LAVYEJ MARI.
MWEN EGZOSIZE KAY LA PLIZYE FWA ANVAN M ANTRE LADAN. KOUNYE A MWEN TAP FE MINISTE 2 KOTE ALAFWA. KAY DELMA 41 TE GEN YON ETAJ AK YON SOUSOL PLIS YON GRAN LAKOU BYEN KLOTURE. LI TE GEN YON ESKALYE AN FE 28 MACH ! LI TE GEN YON BEL TERAS. MWEN PRAL PASE 5 LANE LADAN JISTAN MWEN KITE L 14 JANVYE 2010 APRE GOUDOUGOUDOU KI TE FISURE L. KAY DELMA 41 TE BAY SOU 3 LARU. LI TE KAPAB PRAN ANPIL MOUN.
TE GEN KEK PE KI TE VINI BAN M KOUT MEN : PE ARNOUX CHERY KI PAT KIRE PAWAS TOMASEN ANKO (RIP), PE SAMSON S.M.M., PE FRANTZ PRICE, PE CHRISTIAN MILIEN, PE GUSTAVE MIRACLE, PE CHADIC. NOU TE GEN PLIZYE ANIMATE KI TE KON PASE KOU WE KIVENS MORETTE,MARIE MICHELLE MICHAUD,FRE ROUDY, MADAN EDNER,ROLIN THELUSMA, EDDY CLERVEAUX,MANES MORIN, ANNECIE (SE LI KI TE FONDE KORAL CBNDF LA), BERNARD, RICARDO VALCOURT (RIP),DAPHNEC, GABRIEL ANTOINE AK LOT ANKO. MARIE FRANCE, MARIE MARTHE, JOSAPHAT SOUVERAIN, CAROLE FRANCOIS TE ABITE AVEK MWEN. DR MILORD (DR KIKI),NADEGE PIERRE-LOUIS, AUGUSTIN, MADAN LEONCE, MADAN ORAYIS,SR MARIE RAYMOND, FRANCESCA,LAURA VILBON, MARJORIE CINEAS TE KON EDE NOU.
NOU TE KONTINYE AK MENM PWOGRAM PAWAS SAKRE A : LAMES CHAK MATEN, ADORASYON, CHEMEN LAKWA, WOZE, CHAPLE DIVEN MIZERIKOD, LWANJ MARYAL, LOD, VEY DE NWI, MES GERIZON AK LIBERASYON, BENEDIKSYON SAKRAMANTO YO, PRIYE ESPESYAL PREMYE VANDREDI NAN MWA, PWOSESYON FATIMA 13 CHAK MWA. KOM AKTIVITE NOU TE GEN PAUSE-CAFE KOTE NOU KON OFRI YON TI DEJENE GRATIS POU MOUN YO. NOU TE GEN BOUTIK ATIK RELIJYE. MWEN TE KON METE KASET POU MOUN YO KOUTE ANSEYMAN. M TE METE KEK LIV RELIJYE TOU. YON KOMANSMAN BIBLIYOTEK.
PANDAN MWEN TE NAN KAY LAPRIYE DELMA 41 AN MWEN TE KON OGANIZE NAN CBNDF BWANEF SESYON BIBLIK PANDAN WEEK-END. NOU FE SA PLIZYE FWA. APRE SA NOU BAY CHAK MOUN KI REYISI NAN EGZAMEN YO YON SETIFIKA. TE GEN YON PAKET MACHAN KI KON VINI LE GEN GWO RASANBLEMAN LAPRIYE. NOU TE METE TABLO CHEMEN LAKWA AK 4 MISTE WOZE YO SOU MI LAKOU A. TE GEN 2 CHANM JEZU AK PLIZYE ESTATI GRANDE NATU. TE GEN YON GRAN KWA JEYAN ANFAS ESKALYE SEN 28 MACH NOU TE TOU JWEN.
NOU KONSTWI YON GWOT ANLONE IMAKILE. MWEN TE KOMANSE FE PREPARASYON TOU POU RADIO FATIMA. SE KONSA MWEN TE GEN YON KAMERAMAN FRANTZ EDOUARD KI KON AL ANREJISTRE MES YO POU MWEN NAN DIFERAN PAWAS. AVEK CHOFE MWEN AN BERTHONY (RIP) MWEN KON ALE AVEK LI, AVEK JOZAPHA ANPIL KOTE NAN PEYI A ALE FE FOTO POU MONTE VIDEO: MALPAS, GANTYE, FONPARIZYEN, TOMAZO, OKAY, MIRAGWAN, FEMAT, FO SEN JAK, LATIBONIT, TIT RIVYE, LAKRETAPYEWO, GONAYIV, LESTE, VILA. NOU KON OGANIZE MARYAJ KOLEKTIF POU MOUN KI TE DEJA AP VIV ANSANM.
TE GEN PLIZYE MIZISYEN KI TE KON ANIME LANMES YO POU NOU. YON FWA PA MWA NOU KON OGANIZE YON PELERINAJ NAN SANT BIBLIK FATIMA BWANEF. TE GEN 4 MEDAM KI TE KON VINI LAPRIYE BYEN AVAN POU PREPARE TEREN AN : JUDELINE JEAN-JUSTE, MARIE LUCIE, LORNA AK YON LOT ANKO. NOU TE KON OGANIZE TOU CHAK ANE YON KARANTEN. PANDAN 40 JOU NOU ALE FE MISYON NAN DIFERAN PAWAS NAN PEYI A. SITOU POTOPRENS.
KAY LAPRIYE THOMASSIN
PANDAN MWEN TE GEN KAY LAPRIYE LAFLEDICHEN AK DELMA 41, YON DAM ZANMI MANMAN M MOUN AKAYE VIN PWOPOZE NOU YON TWAZYEM KAY LAPRIYE TOMASEN 28. MANKE PA ANPECHE GENYEN. LE M KITE PAWAS SAKRE KE MWEN PAT GEN KOTE POU M DI LAMES, MEN KOUNYE A MWEN GEN 3 KAY YON SEL KOU PLIS CBNDF NAN BWANEF. TRAVAY LAVYEJ. MIRAK JEZU. LAVYEJ PA KITE PITIT LI TRENNEN ATE. NAN KAY TOMASEN AN, TE GEN 2 BEL SAL, CHANM A KOUCHE, PLIZYE LOT SAL, YON BEL LAKOU. MWEN METE LADAN L KEK ESTATU MWEN YO. NOU TE METE YON GWO KWA NAN YOUN NAN SAL YO KOTE NOU TE KON FE CHAPLE DIVEN MIZERIKOD A TWAZE APRE MIDI. NOU TE KON FE RETRET FEMEN. NOU TE GEN LAMES, ADORASYON. KONSA MWEN TE PATAJE MINISTE MWEN ANT 3 KAY LAPRIYE YO. TE GEN OGISTEN KI SAKRISTEN. JOSAPHAT SOUVERAIN, SMITH RODNEY, ROLIN THELUSMA, MARIE FRANCE, ANATAIN GRAND PIERRE TE FE PATI EKIP TOMASEN AN. TE GEN YON KOLABORATRIS YO TE RELE RUT KI TE MOURI TRAJIKMAN PANDAN LAP SOTI LAMES MEDAY MIRAKILEZ. MACHEN TE FRAPE L.
MISYON NAN PEYI DAYITI
PANDAN MWEN TE PWOFESE GRAN SEMINE TUJO, KIRE PAWAS SAKRE KE EPI PANDAN MWEN TE NAN 3 KAY LAPRIYE YO, MWEN FE ANPIL MISYON NAN PLIZYE KOTE PEYI DAYITI. MWEN KON PRECHE PLIZYE RETRET NAN FOYE CHARITE SENT MARI PANDAN PLIZYE ANE. SE TE EPOK PE BEAUDRY, SE HERNANDEZ, DOMINIQUE. KOM SEMINARIS MWEN TE PATISIPE NAN RETRET SENT MARI YO.
MWEN FE MINISTE NAN PLIZYE PAWAS NAN ACHIDYOSEZ POTOPRENS : PAWAS KATEDRAL, PAWAS SENT ANN NAN EPOK PE ADRIEN VIL, PE ARNOUX CHERY; PAWAS SEN YV NAN EPOK MONSEYE VITAL MEDE AK PE ATIS KOTE PE ULRICK JOSEPH KON FE M JWE OG POU KORAL LA; PAWAS ALTAGRAS DELMA AVEK PE FRANKY, PLIZYE FWA MWEN FE MINISTE NAN PAWAS SEN CHARLES BORROMEE CARREFOUR AVEK MONSEYE SAINT HUBERT, MGR FORTIN; PAWAS MONKAMEL AVEK PE JEAN PIERRE LOUIS AK ROGER PIERRE; PAWAS SENT BERNADETTE AVEK PE GUIRAND MARAT; PAWAS KRISWA NAN EPOK PE MILORD AK PE SIMON BOURCICAULT; PAWAS SEN PYE PETYONVIL AK MGR SAINT HUBERT; PAWAS CROIX-DES-MISSIONS, PAWAS NOTRE DAME AUXILIATRICE AVEK PE DUCARMEL; PAWAS KWADEBOUKE NAN EPOK PE EDNER LAURENT, PAWAS SEN JAK FEMAT AVEK PE FRANTZ PRICE; PAWAS SENT KLE AVEK PE ARSENE JASMIN; PAWAS MARIAMAN AVEK PE RONALD; PAWAS SEN LOUIS ROI DE FRANCE; PAWAS LEOGANE AVEK PE GUIRAND MARAT, PAWAS TIGWAV AVEK PE SIMON BOURCICAULT, CHAPEL FONDWA KOTE AVEK SEMINARIS GUIRAND MARAT NOU TE KON OGANIZE PREPARASYON POU MARYAJ KOLEKTIF.
NAN LATIBONIT NOU TE GEN GEN MISYON PLIZYE FWA NAN PAWAS TIT RIVYE. NOU TE KON PATISIPE NAN KONGRE BRIYAN SOLDA TIT RIVYE. PLIZYE FWA NOU FE MINISTE NAN KATEDRAL SEN CHARLES GONAYIV, NAN PAWAS NATIVITE, NAN BIGO. NOU PASE TOU NAN PAWAS SEN JANBATIS MONWI, NAN PAWAS PEPETYEL SEKOU FLORANSO AK NAN PAWAS SEN MAK NAN EPOK PE MAX MESIDOR LEROY TE KIRE. NAN EPOK PE ALCIDE TOU AK PE ANTWAN. MWEN FE MISYON NAN PAWAS GWO MON KOTE PE MONFOTEN YO AP TRAVAY.
NAN DYOSEZ KAP AYISYEN MWEN FE MISYON KATEDRAL OKAP AK PAWAS SAKRE KE. MWEN FE PLIZYE FWA MISYON NAN PAWAS GRAN RIVYE DI NO NAN EPOK PE FRANCOIS MOISE. MWEN TE FE YON PASE NAN PAWAS LENBE AVEK NONS APOSTOLIK CHRISTOPHE PIERRE LE MWEN TE RESPONSAB ZEV PONTIFIKAL MISYONE (O.P.M.) SE TE NAN EPOK PE JULES ANANTUA. NAN DYOSEZ NODWES, MWEN FE MISYON KATEDRAL IMAKILE PODEPE, NAN PAWAS SENT ANN ANSAFOLE. MWEN TE FE YON PASE NAN PAWAS BASEN BLE PANDAN KARAVAN CBNDF NAN. NAN DYOSEZ JACMEL MWEN TE FE RETRET PREMYE KOMINYON LE PE FARGO TE KIRE EPI PE GUIRE POULARD TE VIKE. MWEN FE KAN MISYON NAN PAWAS MARIGO NAN EPOK PE MITCHEL EPI NAN CHAPEL PEREDO. PANDAN KARAVAN CBNDF NAN MWEN TE ALE NAN PAWAS ANSAVO, NAN KATEDRAL ENCH, NAN PAWAS PEPETYEL SEKOU KAVAYON.
