Entwodiksyon : TEMWAYAJ PE CAMPION
PAFWA POLITISYEN YO, ATIS YO KON EKRI « MEMWA » YO. MONSEYE LIGONDE TE BAY YON ENTEVIEW NAN RADIO SOLIDARITE NEW YORK POU L PALE SOU « MEMWA » LI KOMANSE EKRI. MWEN TE REGRET ANPIL YON PE KOU WE JEAN-CLAUDE LESPINASSE MOURI SUBITMAN NAN TRANBLEMAN TE 12 JANVYE 2010 SAN LI PA GEN TAN EKRI « MEMWA » L ALOSKE LI TA GEN ANPIL BAGAY POU L PATAJE. MWEN TOUJOU SWETE KE MONSEYE PEYI DAYITI YO EKRI « MEMWA » YO PASKE YO GEN ANPIL EKSPERYANS AK KONESANS AK SOUVNI YO TE KAPAB PATAJE AK PEP BONDYE A.
DEPI PLIZYE ANE GEN ANPIL MOUN KI TE BANM KONSEY POU M EKRI « MEMWA » MWEN TOU POU ESPLIKE TOU SA BONDYE FE POU MWEN. GEN YON CHANTE KI DI « FOM TEMWAYE TOU SA BONDYE FE POU MWEN ». REYELMAN VRE BONDYE FE ANPIL POU MWEN. FO M TEMWAYE POU M DI L MESI. FO M TEMWAYE PASKE TEMWAJAJ MWEN AN KAPAB EDE LAFWA LOT MOUN VINI PI DJANM. SE POUTET SA MWEN PRAN DESIZYON EKRI LIV SA.
MWEN KOMANSE LIV SA AK SOUVNI MWEN SONJE DEPI M TE GEN 5 LANE. MWEN PALE SOU FANMI MWEN, SOU ETID PRIME AK SEGONDE MWEN. MWEN PALE SOU PASAJ MWEN NAN GRAN SEMINE POTOPRENS KOM SEMINARIS EPI PI TA KOM PWOFESE. MWEN PALE SOU ETID MWEN TE FE NAN VIL WOM AK VIL JERUZALEM. MWEN PALE SOU TOUT MISYON MWEN FE ALETRANJE EPI NAN PEYI DAYITI. MWEN RAKONTE EKSPERYANS MWEN FE KOM KIRE PAWAS SAKRE KE TIJO POTOPRENS. MWEN PALE SOU KAY LAPRIYE CBNDF YO NAN POTOPRENS AK SANT BIBLIK FATIMA BWANEF. MWEN PALE SOU KEK EVENMAN MISTERYE, ETRANJ, MIRAKILE KI RIVE MWEN.
MWEN MANDE BONDYE POU L BENI LIV SA. MWEN EKRI L AN KREYOL POU TOUT MOUN KAPAB KONPRAN LI. MWEN METE L SOU ENTENET POU PLIS MOUN NENPOT KI KOTE KAPAB LI L EPI PATAJE L. MWEN MANDE BONDYE BENI TRAVAY SA,BENI TOUT MOUN KAP LI LIV SA. MWEN MANDE LAVYEJ MARI TOUCHE KE MOUN KAP LI TEMWAYAJ SA YO.
