Диалог: (2-күн)
А1
Ильхам: Сән һазир нәччинчи курста оқуватисән?
Абдурашит: Мән иккинчи курста оқуватимән. Сәнчу?
Ильхам: Мән һазир үчинчи курста
A2
I.1
Абдурашит: Бу семестрда қайси курсларни тиркидиң?
Ильхам: Мошу семестрда антропология, тарих, математика вә биология пәнлирини таллидим. Сәнчу?
Абдурашит: Мениң һазирқи дәрис кәштәмдә бәш пән бар. Улар: математика, француз тили, әдәбият, физика вә химия пәнлири. Иккимиз математика лекциясидә көрүшидиған болдуқ!
Ильхам: Һә-ә, убдан болди!
I.2
Сәнәм: Интизар, оқушиңиз қандақ?
Интизар: Оқушим яхши. Рәхмәт. Семестр әнди башланди. Һәптиниң қайси күнлири вақтиңиз болиду?
Сәнәм: Лекциялар сешәнбә билән пәйшәнбидә өтиду. Шуңлашқа, дүшәнбә, чаршәнбә вә җүмә күнлири студент клублириға қатнишимән. Сизниң дәрис кәштиңиз қандақ?
Интизар: Мән сешәнбә вә пәйшәнбә күнлири бош болимән. Сәвәви, һәптиниң башқа күнлири семестрниң дәрис кәштиси зич. Мән төрт курс билән бир лабораториялиқ ишни тиркидим. Улар: тарих, инглиз тили, әдәбият вә антропология иши.
Сәнәм: Наһайити қизиқ екән. Антропология немини тәтқиқ қилиду?
Интизар: Антропология адәм биологиялиқ түриниң пәйда болушини тәтқиқ қилиду. Вақтиңиз болса, бизниң лаборатория дәрисигә кәлсиңиз болиду.
Сәнәм: Яхши, миннәтлик түрдә қатнишимән.