A1
I.1
Adilə: Universitetə nə ilə gedirsən?
Sənan: Gah piyada, gah da avtobusla gedirəm.
Adilə: Hansı avtobusla gedirsən?
Sənan: 14 ya da 21 nömrəli avtobusla.
Adilə: Nə fərqi var?
Sənan: 21 nömrəli avtobus daha sürətlidir.
I.2
Adilə: Salam mən metrodayam. Metro doludur.
Sənan: Mən də metrodayam. Metro boşdur. Bu gün mənim şanslı günümdür.
Adilə: Növbəti dayanacaqda enəcəm (düşəcəm). Piyada gedəcəm.
A2
Sevil: Sevinc, sən Xınalıq və Lahıc kəndində olmusan?
Sevinc: Lap çoxdan qrup yoldaşlarımla getmişdim.
Sevil: Mən də 2 il əvvəl getmişəm. Bəlkə birlikdə gedək?
Sevinc: Olar. Bəs necə gedək, nə ilə gedək?
Sevil: Avtobusla və ya taksi ilə.
Sevinc: Qardaşıma deyim onun maşını ilə gedək. Maşınla daha rahat olar bizim üçün.
Sevil: Lahıcda Azərbaycan milli geyimində şəkil də çəkdirərik.
Sevinc: Mütləq! Vaxtimiz çatsa Şəki turlarına da qoşula bilərik.
Sevil: Yaxşı olar. Şəki Xan sarayına gedərik. Ora çoxlu turist gəlir.
Sevinc: Məncə çox maraqlı olacaq bu səyahət.
Sevil: Məncə də!