Диалогтар: (17-күн)
A1
I.1
Алма: Нават мейрамханасын іздеп жүрмін. Қай жерде орналасқан?
Мұрат: Тік жүріп, солға бұрылыңыз.
Алма: Сосын?
Мұрат: Қарсы бетке өтіңіз. Кинотеатрдың артында орналасқан.
I.2
Алма: Қасыңыздағы орындық бос па?
Мұрат: Иә, бос. Отырыңыз.
A2
Айша: Жібек, саған қандай тамақ түрі ұнайды?
Жібек: Мен “Сандық” мейрамханасының тамақтарын ұнатамын.
Айша: Ол қандай мейрамхана?
Жібек: Онда қазақтың ұлттық тағамдары дайындалады.
Айша: Мәссаған, қандай қызық! Барып көру керек екен.
Жібек: Иә, бірақ олар тек Алматы, Шымкент және Түркістан қалаларында бар.
Айша: Мен күзде Алматыға барамын. Сол кезде міндетті түрде “Сандық” мейрамханасына барамын.
Жібек: Онда бауырсақты әртүрлі рецепт бойынша дайындайды. Бауырсаққа тапсырыс берсең болады!
Айша: Бауырсақтан басқа қандай тағамдарға тапсырыс бере аламын?
Жібек: Жылқы етінен жасалған “Nomad” көжесіне. Оның дәмі тіл үйіреді.
Айша: Ши қуырдағын жеп көрдің бе?
Жібек: Иә, жеп көрдім, бірақ ол өте майлы.
Айша: Жарайды. Олай болса көжеге тапсырыс беремін.