I.1
Adilə: Qardaş və bacılarım Özbəkistanda yaşayırlar.
Sənan: Onlar üçün darıxırsan?
Adilə: Bəli, çox darıxıram.
I.2
Adilə: Səyahət etməyi sevirsən?
Sənan: Bəli, çox xoşuma gəlir.
Adilə: Tez-tez səyahət edirsən?
Sənan: Xeyr, çox nadir hallarda.
A2
Aydın: Salam,Ramiz!
Ramiz: Salam,Aydın!
Aydın: Mən dostlarımla Qəbələyə səfərə gedirəm. Sən də bizə qoşulmaq istəyirsən?
Ramiz: Nə ilə gedəcəksiniz?
Aydin: Bakıdan Qəbələyə yeni avtobuslarla turlar var, həmin turla gedəcəyik
Ramiz: Bu turlar bahadır?
Aydın: Xeyr, baha deyil.
Ramiz: Turun qiyməti neçəyədir?
Aydın: Çox yaxşı qiymətdir. 60 manat. Yol pulu, bir gecə Qəbələdə oteldə qalmaq və səhər yeməyi də bura daxildir.
Ramiz: Çox yaxşı qiymətdi. Mən də sizlə gedərəm.
Aydın: Onda bilet alanda sənə də alacam.
Ramiz: Bilet almaq üçün ofisə getmək lazımdır?
Aydın: Xeyr, biletləri onlayn da almaq olur.
Ramiz: Çox yaxşı fikirləşiblər.
Aydın: Hə,Ramiz. Azərbaycan daxili belə turlar çoxdu.
Ramiz: Onda tez-tez getmək olar ki.Daha hansı rayonlara, şəhərlərə belə turlar var?
Aydın: Göy göl, Quba, Lənkəran-Astara, Şəki-Zaqatala, hətta artıq Ağdam, Şuşa və başqa turlar da var.
Ramiz: Çox gözəl!