A1
I.1
Adilə: Kondisioneri yandıra bilərsiniz?
Sənan: Bəli, çox istidi. Mən də tərləyirəm. Yandırdım.
Adilə: Bir neçə gün isti olacaq.
I.2
Adilə: Sabah hava necə olacaq?
Sənan: Sabah ildırım çaxacaq. Külək əsəcək. Duman gözlənilir.
Adilə: Soyuq olur?
Sənan: İndi istidir, axşam sərin, sabah soyuq olacaq.
I.3
Adilə: Hava istidir. Bir aydır yağış yağmır.
Sənan: Düz deyirsən, otlar saralıb.
Adilə: Yağış yağsa göyərər.
A2
I.1
Rüstəm: Salam, Aysulu!
Aysulu: Salam, Rüstəm!
Rüstəm: Qazaxıstanda hava necə keçir ?
Aysulu: Bölgədən asılıdır. Adətən yayda çox isti, qışda isə çox soyuq olur. Məsələn, Astanada qışda temperatur mənfi 35-40 dərəcə, bəzən isə daha çox olur.
Rüstəm: Bakı şəhərində şaxta çox olmur. Amma çox vaxt külək olur .
Aysulu: Bəs orda qar yağır?
Rüstəm: Xeyr, Bakıya qar az yağır. Bəzi rayonlara isə çox yağır.
Aysulu: Astanada çox qar yağır. Bütün qış hər yer ağ qarla örtülür.
Rüstəm: Nə gözəl! Nağıllardakı kimi!
I.2
Sevinc: Sevda, ən sevdiyin mövsüm (fəsil) hansıdır ?
Sevda: Mən payızı sevirəm. Nə çox isti, nə da çox soyuq olmur.
Sevinc: Mən yaz fəslini daha çox sevirəm. Çünki, hər yer yaşıllaşır. Yaz yağışları yağır.
Sevda: Məncə, payız ən romantik mövsümdür.
Sevinc: Yaya da üstünlük verirəm. Dənizə getməyi xoşlayıram. İsti və günəşli havanı sevirəm.
Sevda: Bəs qış necə?
Sevinc: Mən qışı heç sevmirəm. Qar yağanda gözəldir, amma soyuq havaya dözə bilmirəm.