Диалогтар: (30-күн)
I.1
Алма: Ең сүйікті жануарың қандай?
Мұрат: Жануарлардың барлығын жақсы көремін.
Алма: Ең жақсы көретінің қандай?
Мұрат: Мысықты жақсы көремін, бірақ аттарды да ұнатамын.
I.2
Алма: Күзетші не деді?
Мұрат: “Билетіңізді көрейін”- деді.
A2
Айша: Сәлем, Айнұр! Мен сені кеше хайуанаттар бағында көрдім.
Айнұр: Сәлем-Сәлем! Иә, мен кеше қалаға келген інілерімді хайуанаттар бағына алып барғанмын.
Айша: Оларға ұнады ма? Қалай болды?
Айнұр: Оларға ұнады, бірақ маған қатты ұнамады.
Айша: Неге?
Айнұр: Жануарларды аяп кеттім.
Айша: Ааа, иә, жануарларда еркіндік жоқ. Солтүстік полюсте өмір сүретін ақ аюды Алматыға алып келді.
Айнұр: Иә, сосын керікке жаным ашыды. Жануарларға қолайлы орта керек.
Айша: Егер жануарлардың күтіміне көмектескің келсе, біздің топқа қосыл. Біз демалыста хайуанаттар бағына барып, жануарларға күтім көрсетеміз.
Айнұр: Бұл керемет бастама екен! Келесі жолы мені де шақыр!