Диалогтар: (2-күн)
Balaussa Amir
I.1
Мұрат: Қайырлы таң! Студентсіз бе?
Алма: Иә, студентпін
I.2
Алма: Қайда оқисыз? Қай университетте оқисыз?
Мұрат: Назарбаев Университетте оқимын
Алма: Қай факультетте оқисыз?
Мұрат: Магистратурада оқимын. Еуразиялық зерттеулер бағдарламасында.
I.3
Алма: Нешінші курста оқисыз?
Мұрат: Түсінбедім. Қайталайсыз ба?
Алма: Нешінші курста оқисыз?
Мұрат: Бірінші курс студентімін.
I.4
Алма: Бұрын қайда оқыдың?
Мұрат: Вена университетінде оқыдым.
A2.1
Жеңісбек: Қарлығаш, қалың қалай? Сені көрмегелі көп болды.
Қарлығаш: Қалым жақсы. Өзіңнің қалың қалай? Саған жақсы жаңалығым бар.
Жеңісбек: Қандай?
Қарлығаш: Мен жазғы семестрде мұғалімнің көмекшісі болып жұмысқа тұрдым.
Жеңісбек: Қандай тамаша жаңалық! Сені жаңа жұмысыңмен құттықтаймын.
Қарлығаш: Рақмет, Жеңісбек. Сен жұмыс таптың ба?
Жеңісбек: Жоқ. Әлі таба алмадым.
Қарлығаш: Менің саған ұсынысым бар. Сен математикадан өте жақсысың. Менің ініме математика пәнінен онлайн сабақ бере аласың ба?
Жеңісбек: Ойланып көрейін. Саған апта соңы жауабымды жазамын.
Қарлығаш: Әрине. Жауабыңды күтемін!
Жеңісбек: Жақсы. Сау бол.
A2.2
Арман: Әсия, мектеп бітіргенде кім болғың келеді?
Әсия: Менің арманым – білікті дәрігер болу. Сен өскенде кім болғың келеді?
Арман: Мен Google компаниясында IT- маманы болғым келеді.
Әсия: Бұл компанияда жұмыс істеу үшін ағылшын тілі деңгейің жоғары болу керек.
Арман: Келісемін. Сол үшін әр сенбі, жексенбі күндері ағылшын тілін үйреніп жүрмін.
Әсия: Саған сәттілік тілеймін!
Арман: Рақмет!