Toshkent teleminorasi – poytaxtning tashrif qog‘ozi
Toshkent teleminorasi – Markaziy Osiyodagi eng chiroyli va baland teleminoralardan biri.Teleminoraning balandligi – 375 metr, uning uzun nayzasimon uchini shaharning istalgan nuqtasidan ko‘rish mumkin. Inshootning umumiy og‘irligi 6 000 tonnadan oshadi.
Xohlagan kishi minoraning tomosha maydoniga ko‘tarilishi va qushlar parvoz qiladigan 110 metr balandlikdan shaharning hayratlanarli manzarasini tomosha qilishi mumkin. Shuningdek, bu yerda “Koinot” restorani faoliyat ko‘rsatadi, unda maxsus aylanuvchi platforma mavjud. Restoran ikkita zalga ega: milliy uslubdagi “Zangori” va Yevropa uslubidagi “Qizil”.
Tungi paytda minorada minglab chiroqlar porlaydi, bu go‘zallik va haybat kishini sehrlab qo‘yadi. Toshkent teleminorasi – texnologik taraqqiyot va inson mehnatining ramzidir.
Zomin avtovokzali ishga tushdi
Jizzax viloyati Zomin tumani markazida yangi avtovokzal ish boshladi, deb xabar beradi O‘zA. Avtoshohbekatda yo‘lovchilar va avtotransport haydovchilari uchun barcha qulaylik mavjud. Bosh binodagi kutish zali majmuasida birinchi tibbiy yordam, haydovchilar uchun dam olish, ona va bola xonalari, dispetcherlik xizmati, chiptaxona, kafe-bar faoliyat ko‘rsatmoqda. Majmua tarkibida avtobus, mikroavtobus va yo‘nalishsiz taksilar uchun alohida kutish maydonlari barpo etilgan.
Link